كان فيه فراشة صغنططة مفرفشة ومنقطة
لابسة بلوزة منقطة على جونلة مخططة
منقطة ومخططة
وسط الجنينة لمحتها وهيه طايرة فى الهوا
ناديتها بصت تحتها قلتها تيجى نلعب سوا
قالتلى طيب ياسمك إيه أنا هاستخبى وأختفى
فى أى مطرح هلتقيه وإن كنتى شاطرة تعرفى
قلتلها طب يلا العبى يام جناحات ملونة
يلا ياحلوة جربى هاتروحى فين منى أنا
طارت وغابت فى الشجر وعند أشجار اللمون
غابت تمام عن النظر ولونها تاه بين الغصون
بصيت بعينى ما شفتهاش من الشجر ماعرفتهاش
كان الورق ستر وغطا أنا قلت لأ مابدهاش
مديت إيديا للغصون وبسرعة هزيتها أوى
لقيت جناح بألف لون بينفرد وينطوى
فضلت كتير متنططة وهيا طايرة مزقططة
أما فراشة صغنططة لابسة بلوزة منقطة
كان فيه فراشة صغنططة لابسة بلوزة منقطة
على جونلة مخططة منقطة ومخططة
ليست هناك تعليقات:
إرسال تعليق
يمكنك ترك تعليق تحت اسم مجهول (غير معرف) دون الحاجة لتسجيل
فقط شاركينى برأيك لو عجبك ما ادونه